OUMA BETTIE GAAN HUIS TOE
O! ek was so lief vir my ouma. My ouma Bettie. E k het my ouma se name ... Elizabeth Maria. Die Here het my dubbeld geseen met so n naam. Dankie ma en dankie pa. Ek was altyd soos n stertjie agter my ouma aan. My ouma en oupa het twee slaapkamers in die groot plaashuis op "Witpoort" gehad. Die agterste kamer op die stoep was hulle somer slaapkamer en in die winter het hulle in die blou slaapkamer by die badkamer geslaap. My ouma het nooit haar hare gesny nie en sy het n lang string hare gehad tot onder haar boude wat sy in n wors laag onder in die "nape" van haar nek gedra het. My ouma was vir my die mooiste mens op die hele aarde. Soms het ek my vet handjies gevat en dit rondom haar gesig gevou en net na haar gekyk. Sy was so mooi! Toe word sy siek. Dis maagkanker se die dokters in Pretoria. Sy wil niks weet van operasies en bestralings nie. Nee se sy haar lewe is reg met haar skepper en sy wil op "Witpoort" wees ...
