DAG EEN-EN-TWINTIG TOT DAG VYF-EN-TWINTIG: OUPA NOLLIE EN OUMA BETTIE SE REIS

Mau Mau Rebellion 

The Mau Mau Kenya refers to the Mau Mau Uprising, also known as the Mau Mau rebellion or the Kenya Emergency, a conflict in British Kenya from 1952 to 1960 between the Kenya Land and Freedom Army (the Mau Mau) and the British authorities. The uprising was a war of independence in which the Mau Mau, primarily the Kikuyu people, fought for land and freedom from British rule.

Al die woorde kom uit Ouma Bettie se dagboek

DAG EEN-EN-TWINTIG: Sondag 28 September 1958

Sondag is ons toe weer Eldoret toe na die kerk toe en was daar mense! Die more het Dominee Theron die predikante en die mense wat van ver af gekom het verwelkom  en toe ook gese dat sy vader dood is en Sondag middag begrawe sal word.  Dominee Loods het gepreek  - O! so pragtig oor Dawid se sitplek wat leeg was langs Saul en hoeveel sitplekke wat leeg geword het in die 50 jaar wat verby is en dat ons sitplekke soms leeg is in die Kerk, by ons bidplek en so sal die sitplek ook van ons leeg word as Hy ons roep.  Ons het toe weer vir Dominee en Mevrou ook weer daar gesien.  Toe het ons by Mnr. En Mev. Voster geeet. Hulle het ons gevra.  Sy het n groot ete gemaak.  Dis baie gawe mense.  Ons is toe weer huis toe – Willie, Babsie en ons.

Die aand het die vosters weer oorgekom – hulle het ook n baie mooi huis en plaas – die mense sit daar sommer goed in.

DAG TWEE-EN-TWINTIG: Maandag 29 September 1958

Toe het Poppie en Drusilla ons kom haal.  Toe wou Drusilla  nie anders nie ons moes een nag by hulle slaap.  N Gawe ou vroutjie.  Die aand het Nico se pa en ma ook oorgekom.  Ons het lekker by hulle gekuier. 

 

DAG DRIE-EN-TWINTIG:

DAG VIER-EN-TWINTIG:  Woensdag 1 Oktober  1958

Nollie het vannag so van Pa en ma Toit gedroom.  Hy se ons moet die datum onthou … ons sal slegte nuus hoor.  Nou gaan Drusilla ons na haar ma toe neem dan kuier ons vandag daar – die familie is baie baie goed vir ons.

 

DAG VYF-EN- TWINTIG: Donderdag 2 Oktober 1958

Vannag het ons toe hier by Poppie se huis geslaap – ons het baie lekker by haar gekuier – sy het ook n mooi plaas en is besig om vir haar n huis te laat bou.  Haar man is nou al agt jaar dood en nou sukkel sy so om haar huis klaar te kry.  … het haar huis gebou en vreeslik afgeskeep en sy het al 1000 pond betaal.  Gisteraand was Fredie Moolman en sy vrou hier om vir ons te kom kuier.  Hulle is nou al 6 jaar hier en gaan oor agtien maande terug Unie toe.  O! maar waarlik dit is te vreeslik om te hoor hoe hulle hier sukkel met hulle kinders se skole, hoe die Engelse die Afrikander kinders behandel en wat hulle moet betaal om die kinders te laat leer en hoe dit gegaan het met die Mau-Mau besigheid, hoe die Engelse die Afrikaners altyd in die gevaar voor stoot en as jy n Mau Mau dood skiet voor hy jou eers aangerand het kry jy tronkstraf en as jy moeilikheid het met  n … hoe hulle altyd die … se part vat, hoe die Afrikaners verdruk word.  O! daar is net een Suid Afrika nog nooit was die word vir my so dierbaar as hier in Brits Oos Afrika nie, Met die Mau Mau besigheid het die Mau Mau nooit die Afrikaners doogemaak nie net die Engelse so dat die Engelse die Afrikaner kinders in die skole ook Mau Mau genoem het Omdat hulle gese het  die Afrikaners stook die Mau Mau op. 

Op die Valle het hulle nou n Afrikaanse skool.  By die ander skole leer hulle net Engels.  Die Afrikaans word maar net by die huise geleer.  Bybel geskiedenis word glad nie  gebruik in die skole nie – daarom stuur die mense wat kan hulle kinders na die Suide om hulle geleerdheid te kry.  Poppie se oom Jannie het so bitter berou gehad dat hy ooit sy Vaderland verlaat het.  Hy se hy het sy vrou en kinders vreeslik benadeel – met alles – hulle geleerdheid en alles!

Poppie sing  mooi.  Sy se O! hoe sou hulle kinders daarvan gehou het om geleerdheid te kon he al was dit nie vol leerd nie.  Dan is hier baie baie mense wat hulle please wil verkoop om Unie toe te gaan, maar wat nie kan kopers kry nie – nou baie word gewoond aan die dinge om so saam en alles te deel en sien nie iets verkeerds in nie.  Vanmiddag gaan ons nou na Serfaas toe en more sal hy ons dan weer weg bring na Babs hulle toe.